Mga Tanod Nakasikop ug Inilang Suspetsado sa Kawat

Usa ka inilang suspetsado sa kawat ag nasakiop sa mga nag-rondang Barangay Tanod sa San Vicente Bajo kaniadtong Enero 20, 2010.

Samtang nagduty ang mga Tanod sa maong Barangay, ilang nakita si Nimrod A Manon-og, 42 anyos, nga naglakaw-lakaw ug dunay makadudang nilihokan hinungdan nga ila kining gi-kompronta.

Sa ilang pagsusi, nakuha gikan sa bag sa maong suspetsado 1 ka short pants nga pambabaye,5 ka lain-laing pinutos nga brief, usa ka botelya sa Novellino wine, 1 ka nakaputos nga ipod phone ug pitaka nga dunay sulod nga 830 pesos. Dako ang pagtuo nila nga kinawat gikan sa mga tindahan ang dalang mga gamit sa maong suspetsado.

Sa ilang na-diskobrehan, dali dali nilang gi-aresto ang suspetsado ug gi turn-over ngadto sa kapulisan. Uban sa naghatod sa suspetsado ngadto sa kapulisan sila Punong Barangay Noel Undag, Kagawad Armando Apos, Kagawad Podiotan ug usa ka complainant nga si Ruel Apao.

Kasamtangang nasa kustodiya sa Oroquieta City PNP ang maong suspetsado samtang gihan-ay ang kaso nga ipasaka batok niini.

Popularity: 1%