DAMINAR, ALMONTE POSIBLENG MAGBANGGA SA PAGKA MAYOR SA OROQUIETA

OROQUIETA- Posibleng magbangga isip pagka-mayor ning Dakbayan sa Oroquieta ang mga inilang negosyante ning atong syudad nga sila si Jason Almonte ug Zaldy Daminar.  Kauban ni Jason Almonte si Harry Guantero.

Si Hon. Harry Guantero kasamtangang Kapitan sa Poblacion II ug nanag-iya ug ubay-ubay nga mga negosyo sa Oroquieta ug lakbit nga mga lugar. Hugon-hugon ang iyang pagpailalom sa linya ni Hon. Jason Almonte nga una nang gituohang modagan pagka-mayor.

Si Hon. Zaldy Daminar usab kasamtangang konsehal ning dakbayan ug adunay mga malampusong negosyo sa atong lokalidad.

Sa posibleng pagbinanga-ay ning duha ka mga “business icons” ning atong syudad, dako ang “purohan nga mamahimong lagsik ug bibo ang umaabot nga eleksyon”, matud pa ni Manang Tess, usa ka lumulopyo sa Poblacion 1 nga nahinabi sa Western Times.

Sa linya sa pagka konsehal, adunay pipila ka mga inila ug wala-nailhing mga personalidad ang nagpadayag na sa ilang planong mo kandidato. Pipila kanila mao si Joel Medado nga lider sa grupong Kusong Misamisnon, si Lower Langcangan Punong Barangay Jesselie Centino Borbon, si MOElCI Executive Dondon Catane ug daghan pa. Sa umaabot nga eleksyon, kadaghanan sa mga na-interview sa Western Times dili pa desidido sa ilang posibleng paga-suportahan sa maong mga pasiuna na nga nagpadayag ug planong modagan.

Popularity: 4%