Blind Item: Empleyadong Kawatan

Usa ka casual employee sa Dakbayan sa Oroquieta ang hilabihan ka baga ug nawong. Bisan pa man walay nay Head of Office nga abling modawat kaniya, siya paugat pa gihapon sa pag-panerbisyo sa lokal nga kagamhanan. Giluk ug kamot ang maong empleyado. Bisan asa nga opisina o proyekto siya ibutang, aduna gayud anomalya mahitabo.

Si kinaulahiang panghitabo, siya gitahasan nga mo-assist sa SK Federation sa Oroquieta sa Summer League niini. Hilabihan kasuko sa mga officiating officials sa maong liga kay ilang budget sa allowance ug uban pa gikurakot man niining maong empleyado. Guwas pa niana, nahimong pinaka walay-klaro ug gubot ang maong Summer League sa kasaysayan sa Misamis Occidental tungod kay walay klaro ang iyang pagdulama sa mga skedyul sa dula.

Dili pa lamang dugay, na-involve na pud ang maong empleyado sa usa ka kaso sa estafa kung asa iyang gi-forge ang pirma sa usa ka Konsehal ning Dakbayan ug sa usa ka SK Federated Official.

Hinaot nga dili na ni magdugay sa atong gobyerno. Casual pa gani kurakot na, unsaon nalang kung sama kaniya ang mahimong opisyal?

Popularity: 5%